റിസർവേഷൻ : സത്യവും മിഥ്യയും

റീസെർവഷന്റെ പേരിൽ SC/ST വിഭാഗത്തിൽ പെട്ടവരെ പരസ്യമായി അവഹേളിക്കുന്നത് ശ്രദ്ധയിൽപ്പെട്ടു. ജാതി അടിസ്ഥാനത്തിലുള്ള റിസർവേഷൻ വേണമോ വേണ്ടയോ എന്നതല്ല ഇവിടെ ചർച്ച ചെയ്യാൻ ഉദ്ദേശിക്കുന്നത്. മറിച്ചു ശരിക്കു SC/ST വിഭാഗത്തിൽ പെട്ടവർക്കണോ ഈ റിസർവേഷൻ എല്ലാം ലഭിക്കുന്നത്? 50% ജാതി റിസർവേഷൻ ശരിക്കും ആർക്കാണ് കിട്ടുന്നത്. അതാണ് ഇവിടെ പ്രതിപാദിക്കാൻ ഉദ്ദേശിക്കുന്നത്. കേരള PSCയുടെ റിസർവേഷൻ റൂൾസും റോടേഷൻ ചാർട്ടും ആണ് അടിസ്ഥാനം.

കേരള PSC റൊടേഷൻ ചാർട് ആണ് ഇവിടെ  ചിത്രത്തിൽ കാണുന്നത്. അത് പ്രകാരം 50% ഓപ്പൺ കോംപെറ്റീഷൻ, ബാക്കി 50% റീസെർവഷൻ.

റീസെർവഷനിൽ തന്നെ ഏറ്റവും കൂടുതൽ ഈഴവ/തീയ്യ വിഭാഗത്തിനാണ് - 14%. തൊട്ടു പുറകിൽ മുസ്ലിം സമുദായം ആണ് - 12% ആകെ ഉള്ള റീസെർവഷന്റെ പകുതിയിൽ അധികം ഈ രണ്ടു സമുദായങ്ങൾക്കാണ് ലഭിക്കുന്നത്.

പിന്നെ ഉള്ളത് SC വിഭാഗം ആണ് 8%.  പിന്നീടുള്ളത് ലാറ്റിൻ കത്തോലിക്ക / ആംഗ്ലോ ഇന്ത്യൻ വിഭാഗം - 4%, വിശ്വകർമ, മറ്റു പിന്നോക്ക വിഭാഗക്കാർ എന്നിവയ്ക്ക് 3% വീതവും ആണ്.  ST വിഭാഗത്തിന് 2% ആണ് റിസർവേഷൻ ഉള്ളത്. SIUC നാടാർ, ധീവര, ഹിന്ദു നാടാർ, മറ്റു ക്രിസ്ത്യൻ വിഭാഗങ്ങൾ എന്നിവക്ക് 1% വീതം ആണ് റിസർവേഷൻ ഉള്ളത്.

കേവലം 10% (SC 8%, ST 2%) മാത്രം റീസെർവഷൻ ഉള്ള SC/ST വിഭാഗങ്ങൾക്ക് എല്ലാ റിസർവേഷനും ലഭിക്കുന്നു എന്ന പ്രചാരണം സോഷ്യൽ മീഡിയയിൽ സജീവമായ സാഹചര്യത്തിൽ ആണ് ഇത്തരം ഒരു ബ്ലോഗ് എഴുതേണ്ടി വരുന്നത്. അങ്ങനെ പ്രചരണം നടത്തുന്നവരിൽ, Say No to Reservation ക്യാമ്പയിൻ നായിക്കുന്നവരിൽ കൂടുതലും ശരിക്കും റിസർവേഷൻന്റെ ഗുണഫലം അനുഭവിക്കുന്ന സമുദായങ്ങളിൽ നിന്ന് ആണ് എന്നത് ഒരു വിരോധാഭാസം ആയിരിക്കാം.